مدونة العرين

*****************************

 لحظة صمت!

وين اريّح بالي وين ؟
وانت لك مليون عين وما تشوف !
إن قلبي لو سلى عنّك :
لقاك !
وإن عمري , لو تبي منّه :
فداك !
وش وراك ؟
لاقي ٍ واحد يحبّك
لو تغيب شوي عنّه
فزّت ضلوعه و جاك !
<صالح العبدالكريم>

*****************************

قلب الصنم

14٬930 عدد من سقط هنا

هيه .. يا قلب الصنم ..
ما بقى فيني سوى عظم ..
يا تاكله يا ياكله دود الرمل ..
هيه يا قلب الصنم ..
ابعد جفوني عن جفاك ..
افتح دروبي من هناك..
وخلني انطلق ..
وأبعد بقلبي عن خطاك..

دخيلك لاتجرعني أسئلة..
بعدها انسى الكلام و تنمسح أجوبة !
حقيقتي تجر معها الغمام ..
وحقيقتك تبلع مسافات الامكنة ..
وخوفي لا وصلتك ..
تكفر بعيوني و بجفوني تنام !
يابعيد النظر .. ياقليل الصبر
اكسر النظرة شوي ..
ولبسني في قلبك ظلال !

حقيقتي اني في وطن
لفني مع تجار اشمغة ..
وزرعني بشوتٍ من تهلكه !
هذا عيب يا ولدي ..
وهذا نقص في حقك يا يبه..
قدم خطوتك من هنا ..
و خذ هالطريق من أوله ..
وانتبه تبعد بعيد ..
لجل ماتشوفك عيون الاسئلة !

هذ أنا .. ياقلب الصنم ..
ضيعتني معك ..
وضيعتك معي ..
و ضيعنا مواعيد الحمام ..

هذا أنا يا قلب الصنم ..
اشعلت في اركانك بروق ..
و حبست في عيوني مطر !
والى يومك يا بعيد ..
وانا ادفن في احضاني جمر ..
ما أبي انام !
أبي بس انتظر !!

هذه المدونة تستخدم برنامج ورد برس WordPress,,بدأت رحلتي في هذه المدونة بتاريخ 18-7-2005مـ